ఏనాడు పుట్టావో ప్రేమా

చిత్రం :  అ ఆ ఇ ఈ (1994)
సంగీతం :  రాజన్-నాగేంద్ర
గీతరచయిత :  వేటూరి
నేపథ్య గానం :  బాలు, చిత్ర

పల్లవి :

రురురురురురు... రురురురురూరూరూ
ఏనాడు పుట్టావో ప్రేమా... వేసంగి హేమంతమా

మనసునే కోరి... మనువుగా మారి.. సంగమించేటి ప్రేమా
ఏనాడు పుట్టావో ప్రేమా... శృంగార సీమంతమా

మనసులో బొమ్మ... మమతలో చెమ్మ... పల్లవించేటి ప్రేమా
ఏనాడు పుట్టావో ప్రేమా... వేసంగి హేమంతమా  

చరణం 1 :

వీచే  వసంత గాలి లాలన ప్రేమా
పూచే సుమాల ధూళి చల్లిన ప్రేమా
ఇది సుమా... ప్రియతమా 

మీటే సుగంధ వీణా వాసన ప్రేమా
ఎన్నో యుగాలు దాటే వంతెన ప్రేమా
ఇది సుమా... ప్రణయమా

కలిసి చూడాలి ఈ పొంతనా.. తనా... మనా

ఏనాడు పుట్టావో ప్రేమా... శృంగార సీమంతమా
మనసులో బొమ్మ... మమతలో చెమ్మ... పల్లవించేటి ప్రేమా
ఏనాడు పుట్టావో ప్రేమా... వేసంగి హేమంతమా

చరణం 2 :

లలలలలా.. లలలలలా.. లలలలా
లలల.. లలల... లలలలా

గోపీ యశోద కోరే పెన్నిధి ప్రేమా
రాధా పురాణగాధ హారతి ప్రేమా
ఇది సుమా... ప్రియతమా

సలీం అనార్కలీలా సంగమ ప్రేమా
చరిత్ర పుటాల కింద సమాధి ప్రేమా
ఇది సుమా.. ప్రణయమా

తెలిసి పాడాలి ఈ కీర్తనా.. సనా... తనా

ఏనాడు పుట్టావో ప్రేమా... వేసంగి హేమంతమా
మనసునే కోరి... మనువుగా మారి.. సంగమించేటి ప్రేమా
రురురురురురూ... రురురురురురురూ...