జారుపైటల జావళీలకు

చిత్రం :  అ ఆ ఇ ఈ (1994)
సంగీతం :  రాజన్-నాగేంద్ర
గీతరచయిత :  వేటూరి
నేపథ్య గానం :  బాలు, చిత్ర

పల్లవి :

జారుపైటల జావళీలకు పల్లవించే సిగ్గులు
కొంటె ఊసుల కంటి బాసకు చెమ్మరించే బుగ్గలు

తనది కానిది తనును కోరిన తపనలేమో చూపులు
జారుపైటల జావళీలకు పల్లవించే సిగ్గులు

చరణం 1 :

శివుడి బాణం సీత రూపం... ఝల్లుమన్నది ఏలనోఇంద్రచాపం సీతజల్లో పువ్వులైనది అంతలోకవితలల్లే కాళిదాసే కదలి వచ్చే తోటలోఉరకలేసే కన్నెవాగు ఉలికిపడ్డది అలలతో

కొండతగిలి కొంత జరిగి కరిగిపోయెను కలలతోరెండు రేవుల కృష్ణవేణికి ప్రేమ వారధి వేసుకో

కొంటె ఊసుల కంటి బాసకు చెమ్మరించే బుగ్గలు
జారుపైటల జావళీలకు పల్లవించే సిగ్గులు
తనది కానిది తనును కోరిన తపనలేమో చూపులు
జారుపైటల జావళీలకు పల్లవించే సిగ్గులు

చరణం 2 :

పిలుపు మోసిన పిల్లగాలి... తలుపు మూసెను ఎందుకో
పూలలో పువుబంతి దాటిన పూత కోరికలేమిటో
మనసులన్నీ మాటలైతే కళ్ళకీ సొదలెందుకో
పులకరింతల ఈ పురాణం పలకమారుట ఎన్నడో

గౌరి పూజకు సప్తపదులకు గట్టి మేళాలెప్పుడో
కొంగుముళ్ళకు మూడుముళ్ళకు లగ్గమున్నది కొద్దిలో

జారుపైటల జావళీలకు పల్లవించే సిగ్గులు
కొంటె ఊసుల కంటి బాసకు చెమ్మరించే బుగ్గలు
తనది కానిది తనును కోరిన తపనలేమో చూపులు
జారుపైటల జావళీలకు పల్లవించే సిగ్గులు