స్వరాల పల్లకి: వయసే వెల్లువగా

Thursday, September 30, 2021

చిత్రం : పెళ్ళీడు పిల్లలు (1982)

సంగీతం : ఎం.ఎస్. విశ్వనాథన్

గీతరచయిత : శ్రీశ్రీ

నేపథ్య గానం : బాలు, సుశీల

పల్లవి :

వయసే వెల్లువగా..ఆ... ఆ

వలపే వెన్నెలగా..ఆ... ఆ

పులకరించి పరిమళించి...ఊగేనులే ఉయ్యాలగా

వయసే వెల్లువగా..ఆ... ఆ

వలపే వెన్నెలగా..ఆ... ఆ

మనసు నేడే కలత తీరి... ఊగిందిలే ఉయ్యాలగా

చరణం 1 :

చెలరేగేను సుడిగాలులూ... విడిపోయేను మనదారులూ

వలపు చిందించి జడివానలూ... చిగురు వేయాలి మన ఆశలు

వలపు చిందించి జడివానలూ... చిగురు వేయాలి మన ఆశలు..

చెలిమి నిండి కలలు పండి... చేరాలిలే చేరువగా

వయసే వెల్లువగా..ఆ... ఆ

వలపే వెన్నెలగా..ఆ... ఆ

పులకరించి పరిమళించి...ఊగేనులే ఉయ్యాలగా

చరణం 2 :

మది కల్యాణ శుభవేదికా... ఇది వాసంత సుమవాటికా

హృదయ భావాలు సిరిమల్లెలై... మధుర గీతాలు పలికించెలే

గులాబీలే గుభాళించె... మురిపించెలే దీవెనలై

వయసే వెల్లువగా... ఆ.. ఆ

వలపే వెన్నెలగా... ఆ.. ఆ

పులకరించి పరిమళించి... ఊగేనులే ఉయ్యాలగా