పడ్డావటే పిల్లా పడ్డావటే

చిత్రం : బ్రతుకే ఒక పండుగ (1977)
సంగీతం : కె. వి. మహదేవన్
గీతరచయిత : ఆరుద్ర
నేపథ్య గానం :  సుశీల, వసంత  

పల్లవి :  

పడ్డావటే పిల్లా పడ్డావటే... పడకపడక ప్రేమలో పడ్డావటే
పడ్డావటే పిల్లా పడ్డావటే... పడకపడక ప్రేమలో పడ్డావటే
పడ్డ పిదప దాని రుచి తెలిసిందటే...
పడకముందు ఉన్న బిగువు సడలిందటే

పడ్డావటే పిల్లా పడ్డావటే... పడకపడక ప్రేమలో పడ్డావటే
పడ్డ పిదప దాని రుచి తెలిసిందటే...
పడకముందు ఉన్న బిగువు సడలిందటే
పడ్డావటే పిల్లా పడ్డావటే... పడకపడక ప్రేమలో పడ్డావటే

చరణం 1 :

సొరకాయ కోతలెన్నో కోసావే... మగవాడి ఊసు నాకు వద్దన్నావే
సొరకాయ కోతలెన్నో కోసావే... మగవాడి ఊసు నాకు వద్దన్నావే

వద్దన్నా ఆగలేదే వలపన్నది...
వద్దన్నా ఆగలేదే వలపన్నది...
వలపన్నది అగ్గిలాంటిది... అంటుకుంటే ఎవ్వరూ ఆపలేనిది

పడ్డావటే పిల్లా పడ్డావటే... పడకపడక ప్రేమలో పడ్డావటే

చరణం 2 :

చదువులెన్ని చదివినా ఆడదాడదే... అది ఏనాడు ఒకనాడు మగవాడిదే
చదువులెన్ని చదివినా ఆడదాడదే... అది ఏనాడు ఒకనాడు మగవాడిదే

ఇది చదువుల్లో ఎక్కడా చెప్పలేదే...
ఇది చదువుల్లో ఎక్కడా చెప్పలేదే...
చెప్పంది చేసినా తప్పుకాదే... ఆ.. ఆ.. ఆ..
ఆ.. ఆ.. ఆ..ఆ.. ఆ.. ఆ..ఆ.. ఆ.. ఆ..

పడ్డావటే పిల్లా పడ్డావటే... పడకపడక ప్రేమలో పడ్డావటే

చరణం 3 :

పడ్డవాళ్ళు చెడ్డవాళ్ళు కాదులే... పడ్డప్పుడు నవ్వనాళ్ళు పగవాళ్ళులే
పడ్డవాళ్ళు చెడ్డవాళ్ళు కాదులే... పడ్డప్పుడు నవ్వనాళ్ళు పగవాళ్ళులే

నవ్విన నాపచేను పండుతుందిలే...
నవ్విన నాపచేను పండుతుందిలే...
పండుతుందిలే మనసూ నిండుతుందిలే...
ముందు ముందూ ముసళ్ళ పండగుందిలే

పడ్డావటే పిల్లా పడ్డావటే... పడకపడక ప్రేమలో పడ్డావటే
పడ్డ పిదప దాని రుచి తెలిసిందటే...
పడకముందు ఉన్న బిగువు సడలిందటే

పడ్డావటే పిల్లా పడ్డావటే... పడకపడక ప్రేమలో పడ్డావటే

https://kuteeram.com/telugu_songs/play-Telugu-Songs-iphone.php?plist=7375

ఎన్ని ఎన్ని ముద్దులున్నవి

చిత్రం : బ్రతుకే ఒక పండుగ (1977)
సంగీతం : కె. వి. మహదేవన్
గీతరచయిత : ఆరుద్ర
నేపథ్య గానం : బాలు, సుశీల 

పల్లవి : 

ఎన్ని ఎన్ని ఎన్ని ఎన్ని ముద్దులున్నవి
అన్ని అన్నీ నిన్నే కోరి కాచుకున్నవి
ఎన్ని ఎన్ని ఎన్ని ఎన్ని ముద్దులున్నవి
అన్ని అన్నీ నిన్నే కోరి కాచుకున్నవి

మూటగట్టీ తెచ్చానూ కన్నెముద్దులు...
ఆ ముడివిప్పీ చూడనీ ముద్దుమూటలు

ఆ... ముందుకొస్తే ఎందుకో ఇన్నీ సిగ్గులు
నా ఒడిలోనా పూయనీ సిగ్గుమొగ్గలు

ఎన్ని ఎన్ని ఎన్ని ఎన్ని ముద్దులున్నవి
అన్ని అన్నీ నిన్నే కోరి కాచుకున్నవి
ఎన్ని ఎన్ని... అన్ని అన్నీ
ఎన్ని ఎన్ని... అన్ని అన్నీ

చరణం 1 :

చూపుచూపు విసిరింది చురకంటి ముద్దు
నీ చిగురు పెదవి ఎరుపులో వగరైన ముద్దు
చూపుచూపు విసిరింది చురకంటి ముద్దు
నీ చిగురు పెదవి ఎరుపులో వగరైన ముద్దు 

కొంటెతనంలో ఉందీ వెంటాడేముద్దు
కొంటెతనంలో ఉందీ వెంటాడేముద్దు
నీ గుండెలో దాగుందీ ఉండిపొమ్మనే ముద్దు

ఎన్ని ఎన్ని ఎన్ని ఎన్ని ముద్దులున్నవి
అన్ని అన్నీ నిన్నే కోరి కాచుకున్నవి
ఎన్ని ఎన్ని... అన్ని అన్నీ
ఎన్ని ఎన్ని... అన్ని అన్నీ

చరణం 2 :

గాలీలో ఒక ముద్దు... గప్ చుప్ గా ఒక ముద్దు
గలగలా నవ్వుల్లో కలిపేసేదొక ముద్దు
గాలీలో ఒక ముద్దు... గప్ చుప్ గా ఒక ముద్దు
గలగలా నవ్వుల్లో కలిపేసేదొక ముద్దు

కోరుకునేదొక ముద్దు... కొసరుకునేదొక ముద్దు
కోరుకునేదొక ముద్దు... కొసరుకునేదొక ముద్దు
కొంగుచాటు చేసుకొని... గుంజుకునేదొక ముద్దు

ఎన్ని ఎన్ని ఎన్ని ఎన్ని ముద్దులున్నవి
అన్ని అన్నీ నిన్నే కోరి కాచుకున్నవి
ఎన్ని ఎన్ని... అన్ని అన్నీ
ఎన్ని ఎన్ని... అన్ని అన్నీ

చరణం 3 :

పెళ్ళినాడు ఓరచూపు కళ్ళకు తొలిముద్దు
గిల్లిపెట్టి నవ్వుకునే అల్లరికి మలిముద్దు
పెళ్ళినాడు ఓరచూపు కళ్ళకు తొలిముద్దు
గిల్లిపెట్టి నవ్వుకునే అల్లరికి మలిముద్దు

వగలుపోవు తొలిరేయి సొగసులకు కసిముద్దు
వగలుపోవు తొలిరేయి సొగసులకు కసిముద్దు
పగలంతా ఎలాగని దిగులుకు కడముద్దు

ఎన్ని ఎన్ని ఎన్ని ఎన్ని ముద్దులున్నవి
అన్ని అన్నీ నిన్నే కోరి కాచుకున్నవి
ఎన్ని ఎన్ని ఎన్ని ఎన్ని ముద్దులున్నవి
అన్ని అన్నీ నిన్నే కోరి కాచుకున్నవి

ఎన్ని ఎన్ని... అన్ని అన్నీ
ఎన్ని ఎన్ని... అన్ని అన్నీ

https://kuteeram.com/telugu_songs/play-Telugu-Songs-iphone.php?plist=7373

గోపాలా.. గానలోలా...

చిత్రం : బ్రతుకే ఒక పండుగ (1977)
సంగీతం : కె. వి. మహదేవన్
గీతరచయిత : ఆరుద్ర
నేపథ్య గానం :  సుశీల

పల్లవి :

గోపాలా.. గానలోలా...
గొంతు గుండెకు దగ్గరున్నది... కళ్ళు మాత్రం దూరమైనవి
గొంతు గుండెకు దగ్గరున్నది... కళ్ళు మాత్రం దూరమైనవి
చూడలేనిది పాడగలను... పాటలో నిను చూడగలను

గోపాలా.. గానలోలా...
గొంతు గుండెకు దగ్గరున్నది... కళ్ళు మాత్రం దూరమైనవి
చూడలేనిది పాడగలను... పాటలో నిను చూడగలను
గోపాలా.. గానలోలా...

చరణం 1 :

నల్లనయ్యవు నీవని... చల్లనైనా దొరవని
నల్లనయ్యవు నీవని... చల్లనైనా దొరవని
ఎల్లరూ నిను పొగడుతుంటే... ఒళ్ళు పులకలు రేగెను
ఎల్లరూ నిను పొగడుతుంటే... ఒళ్ళు పులకలు రేగెను
నీ మేని వన్నె తెలియకున్నా.. లోన వెన్నను తెలుసుకున్నా

గోపాలా.. గానలోలా...
గొంతు గుండెకు దగ్గరున్నది... కళ్ళు మాత్రం దూరమైనవి
చూడలేనిది పాడగలను... పాటలో నిను చూడగలను
గోపాలా.. గానలోలా...

చరణం 2 :

కబోది కనులకు కలలు రావా... అనాధ మనసుకు ఆశలుండవా
కబోది కనులకు కలలు రావా... అనాధ మనసుకు ఆశలుండవా
వెదురు ముక్కకు మధురమైనా రాగములను నేర్పు స్వామీ
వెదురు ముక్కకు మధురమైనా రాగములను నేర్పు స్వామీ
జాలితో నను చూడలేవా... నీ చూపులో నను నిలువనీవా

గోపాలా.. గానలోలా...
గొంతు గుండెకు దగ్గరున్నది... కళ్ళు మాత్రం దూరమైనవి
చూడలేనిది పాడగలను... పాటలో నిను చూడగలను
గోపాలా.. గానలోలా... 

https://kuteeram.com/telugu_songs/play-Telugu-Songs-iphone.php?plist=7374

నీ కళ్ళకు మనసుంది

చిత్రం : బ్రతుకే ఒక పండుగ (1977)
సంగీతం : కె. వి. మహదేవన్
గీతరచయిత : ఆత్రేయ
నేపధ్య గానం : బాలు, సుశీల 

పల్లవి :  

నీ కళ్ళకు మనసుంది ఆ మనసుకు చూపుంది
అది నా కన్నులతో లోకానంతా చూడక చూస్తుంది
నీ కళ్ళకు మనసుంది ఆ మనసుకు చూపుంది 

చరణం 1 :

ఏమిటది.. పూదోటా
ఇక్కడ పువ్వులు పూచి నవ్వులు రువ్వును ప్రతి పూటా
ఈ ఘుమఘుమలూ...
ఆ పూచిన పువ్వులు వీచే  కమ్మని వాసనలు
ఈ గలగలలు..
ఆ వాసన మోసే గాలులు చేసే సందడులు
ఈ ఝుమఝుమలు...
పూతేనెలు తాగి తుమ్మెద చేసే అల్లరులు

ఇన్ని సొగసుల ఈలోకం ఉన్నది నీకోసం

నా కళ్ళకు జత ఉంది... ఆ జతకొక మనసుంది
ఆ మనసు కళ్ళూ కలిపి నాకూ మనుగడనిచ్చింది
నా కళ్ళకు జత ఉంది... ఆ జతకొక మనసుంది

చరణం 2 :

తొలిరేయి... ఇది తొలిరేయి
మనాసులు తనువులు పెనవేసుకొనే తీయ తీయని రేయి
ఏమీ సిగ్గులు...
నా జీవితానికి మీరిచ్చినవీ నిగ్గులు
ఏమిటీ కన్నీళ్ళు...
నా కన్నుల చీకటి కడిగిన కరుణకు అంజలులు
ఏమీ నవ్వుళు...
మీ పాదపూజకై నేనర్పించే పిచ్చిపువ్వులు

ఇక ప్రతిరేయి తొలిరేయి.. మీరే నాకిక కనుదోయి

నా కళ్ళకు జత ఉంది... ఆ జతకొక మనసుంది
ఆ మనసు కళ్ళూ కలిపి నాకూ మనుగడనిచ్చింది

నీ కళ్ళకు మనసుంది ఆ మనసుకు చూపుంది
అది నా కన్నులతో లోకానంతా చూడక చూస్తుంది
నీ కళ్ళకు మనసుంది ఆ మనసుకు చూపుంది 

https://kuteeram.com/telugu_songs/play-Telugu-Songs-iphone.php?plist=7352